3.3.1.1 Zergadunentzako zerbitzuak

Hona hemen zergadunei eskaintzen zaizkien zerbitzuak:

• Informazio zerbitzuak
  • Araudi fiskala eta hala Nafarroako Auzitegi Ekonomiko-Administratibo Foralak nola Hitzarmen Ekonomikoko Arbitraje Batzordeak emandako ebazpenak.

  • Argitaratu berri diren araudiei buruzko azalpen dokumentuak eta izapidetzen ari diren proiektuetarako sarbide zuzena.

  • Zergetako kudeaketa atalek egindako kontsultarik ohikoenentzako aplikazio irizpideak eta erantzunak.
  • Zerga desberdinei buruzko galderarik ohikoenak.
  • Zergadunaren egutegia.

  • Izapide ohikoenetan aurkeztu beharreko dokumentuei eta jarraitu beharreko pausoei buruzko gida.

  • Laguntza programak erabiltzeko metodologiari, formularioak betetzeari eta ordainketa moduei buruzko gidaliburu argigarriak.
  • Ekintzaileentzako, ETEentzako eta mugaz gaindiko langileentzako dibulgazio liburuxkak.
  • 2016-2019 Iruzurraren Kontrako Borrokarako Plana: planean jasotzen diren neurrien, parte hartzeko tresnen eta proposamenen aurkezpena.
  • Zerga nagusiei eta horien bilketei buruzko estatistikak.
  • Datu pertsonalen babesari buruzko informazioa.

• Bulego birtuala zergadunek izapideak online egin ditzaten. Nafarroako Zerga Ogasunak bere gain hartzen du bulego birtualaren bitartez eskura daitekeen informazioaren eta zerbitzuen osotasuna, egiazkotasuna eta horiek eguneratzea.

  • Jakinarazpen elektronikoekin lotutako zerbitzuak ahalduna izendatzea, eskuragarri ez egoteko egunak adieraztea.

  • Berehalako Informazio Hornidurarekin lotutako zerbitzuak.

  • Zerga nagusien aitorpenak egiteko laguntza programak.

  • Aitorpenak telematikoki aurkezteko eta ordaintzeko inprimaki elektronikoak.

  • Aurkeztutako aitorpenen kontsulta.

  • PFEZaren Kanpainarekin lotutako zerbitzuak: dagozkien itzulketen egoera kontsultatzea, aitorpenak egiteko aurretiko hitzordua lortzea, PFEZaren aitorpenaren ondoriozko kuota kalkulatzeko simulatzailea.

  • PFEZaren konturako zatikatzeen proposamenekin lotutako zerbitzuak (130 eredua): helbideratzeei uko egiteko eta ezeztatzeko kudeaketak eta kontsultak.

  • Diru bilketarekin lotutako zerbitzuak: ordainketak geroratzeko eskaera ohiko bidean zein betearazpen bidean, ordainketak eta itzulketak helbideratzea, zergei dagozkien diru sarrerak, kreditu enbargoen eginbideei erantzutea, hartzekodunen konkurtsoak jakinaraztea.

  • Nafarroako Zerga Ogasunaren entitate laguntzaileekin lotutako zerbitzuak.

  • Eskaerak, egiaztagiriak, idatziak eta jakinarazpenak aurkezteko erregistro telematikoa.

  • Informazio ereduetan akatsak kudeatzea.

  • Partzela zedulak eta horiei lotutako datu fiskalak lortzea.

  • PINa kudeatzea (online aldaketak eta eskaerak).

  • Ziurtagiriak lortzea.

  • Aitorpen inprimakiak lortzea.

  • Egindako ziurtagiriak edo EKSrekin (Egiaztapen Kode Segurua) egindako agiriak egiaztatzea.

  • Zerga salaketak.

Kontuan izanda lehen aipatutako zerbitzuetako batzuetan PINa dela eragiketa baimentzeko baliabidea, 26.412 gutun bidali dira web aplikazioaren bitartez PINa eskatu dutenei PINa jakinarazteko. Horrek esan nahi du 2017an baino %21,05 gehiago bidali direla, urte hartan 21.819 bidali baitziren.

Erabiltzailearen sinadura digitala eskatzen duten izapideak egiteko, webgunean zerrendatzen diren ziurtapen erakundeek emandako ziurtagiriak erabil daitezke.

Bestalde, Nafarroako Zerga Ogasunak, FMNTk egindako sinaduretarako identitatea egiaztatzeko erakunde gisa, urtean zehar 8.037 ziurtagiri izapidetu ditu; hortaz, aurreko urteetan gure bulegoetan egin diren ziurtagiriak gehitzen baditugu, denera indarrean dauden 34.090 ziurtagiriko errolda dugu.